سياس الاسترجاع

عملية الاسترجاع و التحويل او الاستبدال بتاخد وقت كبير شوية بس فى الاول و فى الاخر خليك عارف انك حقك مضمون مهما حصل و اى تأخير بيكون غصب عننا

قبل ما تشوف سياسة الاسترجاع لازم تبقى عارف ان احنا بنستورد منتجاتنا كلها بنفسنا و بنختارها بدقة جدا بس طبعا وارد ان يكون فيه عيوب صناعة او حاجة تتكسر قبل ما توصلك من الشحن (بس متقلقش) .

احنا قبل ما بنستلم المنتجات بيكون عندنا فنيين بيراجعوا المنتجات قطعة قطعة علشان منبعتلكش اى حاجة بايظة او اى منتج و خلاص

احنا بيهمنا انك متزعلش مننا و بيهمنا رايك جدا .

عندنا الفنيين بيراجعوا المنتج من كل حاجة كسر او كهربا و بيجربوه و يتاكدوا انه سليم بس طبعا من غير ما يستخدمو على نفسهم مجرد بس انهم بيتاكدوا انه مفيهوش اى عيب نهائى و طبعا بيكون فيه بعض المنتجات اللى بتكون متغلفة بطريقة لو اتفتحت مينفعش تتباع او منتجات العناية الشخصية ف ديه مبنقدرش نجربها كلها بس بنجرب عينات عشوائية منها و نتأكد من سلامتها و مبنبيعش القطع المتجربة ديه تانى طبعا .

لو في خلال ال 14 يومًا من تاريخ استلام المنتج ، تقدر ترجع المنتج اللى اشتريته (في حالات عيوب صناعة واضحة في المنتج )  و هيرجعلك تمن المنتج بالكامل . لازم ترجع المنتجات كلها ف حالتها الاصلية و تغلفها كويس علشان ميحصلهاش حاجة فى الشحن.

احنا بنضمنلك استبدال كل المنتجات اللى وصل فيها عيب صناعة او كسر من الشحن او اى سوء تخزين .

خد بالك إن مصاريف الشحن غير قابلة للاسترداد فى حالة ان المنتج طلع مفيهوش عيوب.

و علشان نسهلك الاسترجاع وفرنالك الطرق ديه علشان تعرف توصلنا (صفحة الفيسبوك او الدعم الفنى من الموقع او عن طريق خدمة العملاء )

الاوردرات بتسترجع عن طريق شركات الشحن التابعة لينا بس و مبنقدرش نرجعها باى طريقة تانية .

طبعا لازم تكون عارف اننا بالرغم من اننا اكيد هنساعدك علشان نحل اى مشكلة فيه بعض الحالات اللى مبنقدرش نرجعلك فيها المنتج :

1- لو قدمت طلب الاسترجاع او الشكوى بعد 14 يوم من شراء المنتج .

2- لو المنتج حصل فيه مشكلة بسبب استخدام خاطئ او رجعلنا فى حالة غير الحالة اللى سلمناك المنتج عليها.

3- طبعا الملابس الداخلية و الجوارب و اى حاجة شخصية مبنقدرش نرجعلك و ده لسلامتك انت طبعا الاول.

4- لو المنتج ليه ضمان محلى هنا فى مصر بنحولك عليه.

5- اى حاجة بتكون استهلاكية بمعنى انك تستخدم جزء منها ديه مبنقدرش نرجعها.

6- لو فيه اى حاجة ضاعت منك و انت بتجرب المنتج .

7- منتجات النظافة و العناية الشخصية.

8- المنتجات المغلفة بطريقة متسمحش بفتحها الا عن طريق قطع التغليف او اى جزء خاص بتغليف المنتج.

المنتجات اللى منقدرش نرجعها :

ثياب داخلية – الملابس الداخلية – جوارب – ملابس سباحة – العطور – منتجات البشرة و التجميل – الاكسسوارات زى السلاسل و الحظاظات و الخواتم

اعرف ايه اللى المفروض يحصل اول ما يتم الموافقة على الاسترجاع :

1- غلف المنتجات مع نسخة من الإيصال اللى وصلك بشكل كويس و يحفظها من الكسر مع الشحن.

2- هتجيلك شركة الشحن الخاصة بينا علشان تستلم الشحنة منك و ده بيكون فى خلال 5 ايام عمل

3- اول ما المندوب بيستلم الطلب بيتوصلنا فى خلال يومين او 3 ايام بالكتير.

4- بعدها بيكون عندنا فنيين بيراجعوا المنتج و الشكوى اللى انت مقدمها علشان يعرفوك ايه اللى حصل فى المنتج و طبعا لو فيه عيب صناعة بيبلغونا علشان نرجعلك فلوسك او نبعتلك منتج تانى لو حابب .

5- المختص بيراجع المنتج كويس جدا علشان لو ليك حق يرجعهولك و المختصين عندنا عندهم ثقافة العميل دايما على حق .

6- بعدها بنبدا نشوف انت حابب تعمل ايه واللى بيحصل زى اللى جاى ده بالظبط:

 أ- لو المنتج سليم هنبعتهولك تانى مع شركة الشحن و بتتحمل مصاريف الشحن و ساعتها الاوردر هيوصل فى خلال 4 ايام عمل.

ب- ولو عيب صناعة بنخيرك ما بين اننا نبعتلك منتج جديد او نحولك الفلوس اللى دفعتها باكتر من طريقة و ده برضه بيكون فى خلال 4 ايام عمل و طبعا مبنخصمش منك ساعتها اى فلوس نهائى و بترجعلك فلوسك كلها

تحويل الفلوس ليك و ده بيكون عن طريق التالى ( هنا انت بتكون حاسس انك تعبت مننا خلاص بس فعلا خارج عن ارادتنا ) :

أ. التحويل البنكى إلى أي بنك موجود في مصر ، و هنا هنحولك الفلوس على حسابك فى البنك على طول من غير ما تتعب نفسك و بنحتاج وقتها بعض البيانات (اسم صاحب الحساب ثلاثى – رقم الحساب *بس اتاكد انك بتبعت رقم الحساب مش رقم الكارت ).

ب. المحفظة الذكية و ديه مفيش اسهل ولا اسرع منها عن طريق (CIB Smart Wallet – QNB Smart Wallet – فودافون كاش – اورنج مونى – اتصالات كاش… الخ) و بتقدر تسحبها من اى ماكينة فورى او من ATM  البنك الاهلى او من فروع الشركة اللى هنحول عليها.

ج. نشحنلك رصيد الموبايل – او ندفعلك الفواتير – أو أي دفع بتحتاجه من خلال (فوري)

بمجرد الانتهاء من تحويل الفلوس ، هنعرفك عن طريق مكالمة هاتفية أو رسالة نصية قصيرة أو الواتس اب أو الماسنجر او الشكوى اللى انت قدمتها او ايميلك فى خلال 48 ساعة عمل.

التحويلات كلها بتكون تحويلات بنكية او مدفوعات اونلاين علشان كدة مبنقدرش نبعتلك صورة ايصال لكن بنقولك رقم المعاملة ايه علشان تتأكد منها بنفسك .